كلام عن النصيب في الحب والزواج
كلام عن النصيب في الحب والزواج ياليت القلوب كالطيور على اشكالها تقع، انا اشعر بالحب تجاه نفسي واصدقائي واهلي، ولكن يكمن بداخلي جزءًا خاليًا ليأتي من يملأ مكانه ولنبحث معًا عن الحب، الحب والزواج رزق ونصيب ومقدر لنا ويبقا لنا الاختيار فيه، اختيار شريك الحياة أمرًا يجب على الكل معرفته لكي يستطيع ان ينال الحياة الذي يتمناها، فهناك شريك حياة مريح وهناك من يرهقنا في التفكير والمعامله، والكلام عن النصيب في الحب والزواج مهم لكي نتعلم كيف نختار الطريق الصحيح والتمهيد لمستقبل مستقر.
كلام عن النصيب
في جروح تبانلَك سهلَة وتعَدِّي
لَكِن في نظَري .. صَعب تتخَيَّط
صاحبي اللي قاللي : ” ماتستاهلش عياط “
سَلِّفتُه روحي .. لاقيتُه بيعَيَّط!
أبرز صفات النصيب .. اِنُّه نافِذ
مافيهوش جدال ولا حد هيعارضُه
مات الشهيد جنبي على الأسفلت
سلِّفتُه روحي .. مات شهيد برضُه!
في إيديه وإيدي مُسَدَّسين مِتعَمَّرين
والشر ساكِن قلبه قَوَّاه ع العِناد
يادوب هانَزِّل إيدي .. وهاسَلِّم عليه
سلِّفني روحُه .. فجأة، دوست على الزناد!
صِعِب عليا عجوز في مترو زحام
قُمت وبادِلتُه مكاني يُقعُد فيه
فـَ قاللي : ” ياااه ، لو يوم شبابي يعود”
سلِّفتُه جِسمي .. ماصعِبتِش عليه!
في شارعنا أكتر من عامود قايد
والضلمَة رفَضِت وضعُه .. بتصارِع
عامود إنارَة النور قَطَع عَنُّه
سلِّفتُه روحي .. فَـ ضَلِّم الشارع!
حسيت بـ مَلَك الموت هنا معايا
مكتوب معاد لـ زيارتُه .. لسَّة ماجاش
شوفت اِن أُمي عينيها .. مابَطَّلِتش عياط
سلِّفتها روحي .. علشان ماتِوحَشهاش!
