اقوال واحكام

ابيات شعر عن الحياة معبرة

ابيات شعر عن الحياة معبرة

ابيات شعر عن الحياة معبرة

ابيات شعر عن الحياة معبرة تتكلم عن الحياة ومعافرة ومعاناة اي شخص، فالحياة ترينا كل يوم من آلم جديد، فقد ترفع من حال صاحبها وقد تزله فدعونا نقرآ ابيات شعر عن الحياة معبرة وكلمات شعر قصيرة عن الحياة والأمل.

شعر عن الحياة من داخل الكادر

ترابيزة خشب مع كرسي قديم
شخص بشخصين عايش يمكن
لكن فعلًا كان شِبه سليم
وليمون نعناع بارد جدًا
مع كام علبة بيقولوا ” ميريت “
كشكول متسطر حكايات
حكاياته يجوز للهم حكِت
وغيوّم فـ سحاب كانت شاهدة
الموت فـ سقوط كام جزع شجر
وبتسأل نفسك لو عارفة؟!
أو يمكن صدفة .. وموتها قدر
الدُنيا كتير جدًا أصلًا
بتحن لناس ماتت جهرًا
وبتبكي هموم .. والهم حضر
الناس من جهلها بتقرر
قال يعني بكاها ماكانش مطر

شخص خارج الكادر

قاعد في مكانٍ ما مهزوز
وبيزهد في الناس إياه
عايش والقلب دا قلب عجوز
رغم إنه شباب وفـ عز صِباه

شعر عن الحياة داخل الكادر مرة تانية

كان الورق مرصوص عشان
قرر إنه يشوف همومه ..

إقرأ أيضا:كيف أكون شخص ناجح وأحقق أحلامي كما أريد

وفـ جزء أقل من الثانية
قميصه اتبَل للتانية
وبرغم كتمانه لدموعُه
بدأ تفاصيله بالآتي:
تلخيصًا جدًا لحياتي ..
باسم الإله هبدأ
ع المُصطفى صليّت
عايش بلا مبدأ
وفـ عقلي أنا اختلّيت
خارج حدود الوزن والقافية
خارج جميع المُفردات
كاره وجودي يا خلق بالعافية
يفرق بـ إيه الأنس بالأموات
عزفت لحّن حزين
ونفخت همي نايات
في هذا النَص تحديدًا
في هذا النَص وصف الذات

شِدوا الكراسي واقعدوا
قد حان وقت الاستماع
هاحكي حكاية صبي
ضهرُه اتحنى أوجاع
ويتداري من وجع خوفه
مابين كام كلمة فـ حروفه
بيستقوى وينسى ما فات
بيلعن حظه وظروفه
والحلم أصبح كوّم فُتات
صدرُه من الهم اتفلق
من تنهيدات كتر العياط
يشنق حروفه ع الورق
وكلامه مايل للسُكات

قلبُه اللي تايه بين ضلوعه
اتخلّى ليه عن خط طوعه .. وليه وحيد؟!
كُل اللي كان موجود زمان .. أصبَح بعيد
كُتر البُكا لو صار بحور .. طب إيه يفيد!

الكادر مش مظبوط .. والصورة مش واضحة –
وكلامي مش منقوط .. ليه كدبتي فاضحة
يمكن عشان كداب وانا عكس ما حكيتُه
جوايّ كان إنسان ليه ضعفت وداريتُه

إقرأ أيضا:حكمة في كلمة سعادتك في يد الله فلا أحد ينزعها

وبابان قوي في كلام
واسرد حكاوي من الهوا
مريض ودائي وعلّتي
مالهُمشِ وصف ودوا
تايه مابين وحدتي
أنا فين ومين طب أنا؟

كُنت فـ يوم جدًا صبي
كان كُل همي ومطلبي
واللّٰهِ ما أنا عارف
راضي بعمايّ يجوز
قال يعني أنا شايف

جربت إني أفوت ولوحدتي أخطي
جيت أكتب الأحوال وماترجموش خطي

صرخت في وشي الحياة
تهديد دا ولا نجاة؟!

  • اسكت ياعم عشان همك مموّتها
    اسكت بقىٰ ..
    ولا انت ناوي إن البُكا يصاحب عينيك
    ذُل، وإهانة، ومرمطة ..
    أدمنت ليه كُل اللي غاوي يهد فيك

مشهد أخير من شعر عن الحياة معبرة

تتر النهاية نزل قبل الأوان بأوان
أخر شهيق هدني وبيخنق الإنسان
أحوال بتتبدل .. أصحاب وصبحوا سراب
يشبهوا دُخان سجايري
الثقة مصدر خسايري
سرطان فُراق فـ الروح
اتسرسبوا فـ عضّمي
كالسيل لدم جروح
ولضمت جرح الروح
بالخيط وكان دايب
كُل اللي قال فاضل
كان ليه يا ناس سايب
كُل الأطبا اشتكوا
واحتاروا وصف الداء
إيه وصف نوع المرض
يكونش مرضي غباء

إقرأ أيضا:حكمة في كلمة سعادتك في يد الله فلا أحد ينزعها

إزاي يكون تشخيص دكتور لحالتي عجوز ..
إزاي يا خلق يجوز؟
يشبِه ساعات فـ البيت
والبيت جدار عتيق
وحالات كتير أشباه
والإسم يعني حياة
وآخرها موتها بطيء
ملعون أبوك يا طريق.

السابق
5 صفات التي تجعل الرجل يهرب إلى امرأة أخرى
التالي
شعر عن الظروف الصعبة والمعافرة